| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 45.32 | Dem. 45.36 (English) | >>Dem. 45.39 |
45.34ἀλλʼ οὗ ἀνέγνων εἵνεκα , τοῦ τὴν διαθήκην ψευδῆ δεῖξαι , τοῦθʼ ὑμᾶς ἀναμνήσω . γέγραπται γὰρ αὐτόθι , “μὴ ἐξεῖναι δὲ τραπεζιτεύειν Φορμίωνι , ἐὰν μὴ ἡμᾶς πείσῃ .” τοῦτο τοίνυν τὸ γράμμα παντελῶς δηλοῖ ψευδῆ τὴν διαθήκην οὖσαν . τίς γὰρ <ἂν > ἀνθρώπων , ἃ μὲν ἔμελλεν τραπεζιτεύων οὗτος ἐργάζεσθαι , ταῦθʼ ὅπως ἡμῖν τοῖς αὑτοῦ παισίν , ἀλλὰ μὴ τούτῳ γενήσεται προὐνοήθη , καὶ διὰ τοῦτο μὴ ἐξεῖναι τούτῳ τραπεζιτεύειν ἔγραψεν , ἵνα μὴ ἀφιστῆται ἀφʼ ἡμῶν · ἃ δʼ αὐτὸς εἰργασμένος ἔνδον κατέλειπε , ταῦθʼ ὅπως οὗτος λήψεται παρεσκεύασε ;
45.35καὶ τῆς μὲν ἐργασίας ἐφθόνησεν , ἧς οὐδὲν αἰσχρὸν ἦν μεταδοῦναι · τὴν δὲ γυναῖκʼ ἔδωκεν , οὗ μεῖζον οὐδὲν ἂν κατέλιπεν ὄνειδος , τυχών γε τῆς παρʼ ὑμῶν δωρεᾶς , εἶθʼ ὥσπερ ἂν δοῦλος δεσπότῃ διδούς , ἀλλʼ οὐ τοὐναντίον , εἴπερ ἐδίδου , δεσπότης οἰκέτῃ , προστιθεὶς προῖκα ὅσην οὐδεὶς τῶν ἐν τῇ πόλει φαίνεται ;
45.36καίτοι τούτῳ μὲν αὐτὸ τοῦτʼ ἀγαπητὸν ἦν , τὸ τῆς δεσποίνης ἀξιωθῆναι · τῷ πατρὶ δʼ οὐδὲ λαμβάνοντι τοσαῦτα χρήματα , ὅσα φασὶ διδόνθʼ οὗτοι , εὔλογον ἦν πρᾶξαι ταῦτα . ἀλλʼ ὅμως ἃ τοῖς εἰκόσι , τοῖς χρόνοις , τοῖς πεπραγμένοις ἐξελέγχεται ψευδῆ , ταῦτα μαρτυρεῖν οὐκ ὤκνησεν οὑτοσὶ Στέφανος .
εἶτα λέγει περιιών , ὡς ἐμαρτύρησε μὲν Νικοκλῆς ἐπιτροπεῦσαι κατὰ τὴν διαθήκην , ἐμαρτύρησε δὲ Πασικλῆς ἐπιτροπευθῆναι κατὰ τὴν διαθήκην . ἐγὼ δʼ αὐτὰ ταῦτʼ οἶμαι τεκμήριʼ εἶναι τοῦ μήτʼ ἐκείνους τἀληθῆ μήτε τούσδε μεμαρτυρηκέναι . ὁ γὰρ ἐπιτροπεῦσαι κατὰ διαθήκας μαρτυρῶν δῆλον ὅτι καθʼ ὁποίας ἂν εἰδείη , καὶ ὁ ἐπιτροπευθῆναι κατὰ διαθήκας μαρτυρῶν δῆλον ὅτι καθʼ ὁποίας ἂν εἰδείη .
45.37
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 45.32 | Dem. 45.36 (English) | >>Dem. 45.39 |
